مؤسسة A M A المصرية للمحاماة والاستشارات القانونية

منتديات المؤسسة المصرية AMA للمحاماة والاستشارات القانونية ترحب بالزوار واعضاء المنتدى
مؤسسة A M A المصرية للمحاماة والاستشارات القانونية

موقع للعلوم القانونية التي تفيد العامة والمتخصصين والباحثين القانونيين وكل العاملين في الحقل القانوني

مؤسسة A M A احمد محمد عبدالله للمحاماة والاستشارات القانونية ، 01061118582محامى بالاستئناف العالي ومجلس الدولة ، محكم عرفي وتجاري معتمد ، المكتب يقدم خدمات قانونية شاملة في كافة أفرع القانون وكذلك في إنشاء الشخصيات والقانونية الاعتبارية من مؤسسات وشركات وجمعيات ، وكذلك توثيق كافة العقود والأوراق القانونية A M A، تعتبر مؤسسة A M A للمحاماة والاستشارات القانونية أحد المؤسسات القانونية المتخصصة فى مصر والوطن العربي وتؤمن المؤسسة بضرورة امتلاك المحامى لأدوات النجاح فى ظل عصر التكنولوجيا والكمبيوتر والانترنت A M A كما تؤمن بضرورة معرفة كل فرد لحقوقه وواجباته وتدار المؤسسة بواسطة نخبة من رجال القانون المحامون A M Aوتسعى المؤسسة إلى تقديم خدمة متميزة فى المجالات العديدة التى تعمل بها والتى تقوم أساسا على التكنولوجيا الحديثة لضمان سرعة وسهولة ودقة الخدمة وجودتها. أنشئت مؤسسة A M A للمحاماة والاستشارات القانونية بشكل أساسى فى فاقوس وتسعى إلى إنشاء فروع لها فى كافة المدن المصرية A M A وتعتمد المؤسسة فى تقديم خدماتها على نخبة متميزة من المحامين والباحثين وخبراء التدريب كما تعتمد على بنية مؤسسية حديثة من حاسب وإنترنت 01061118582 01061118582 01061118582 .
شاهدو نا على القناة الاولى الفقرة القانونية لبرنامج طعم البيوت ضيف البرنامج / احمد محمد علبدالله المحامي http://www.egytv.net/drama/tabid/9727/default.aspx
اعلان هام لجميع الاعضاء والزوار .....يتوجب علي كل عضو مشترك معنا في المنتدي او اي زائر يرغب في الاشتراك انه بعد اتمام عملية التسجيل لابد من تنشيط العضوية عبر الايميل الخاص بالعضو الذي قام بالاشتراك به في المنتدي وذلك لكي يتمكن من المشاركه معنا في المنتدي واضافه الردود والمواضيع كأي عضو بالمنتدي مع تحيات احمد محمد عبد الله المحامي
اعلان هام لجميع الاعضاء والزوار .....يتوجب علي كل عضو مشترك معنا في المنتدي او اي زائر يرغب في الاشتراك انه بعد اتمام عملية التسجيل لابد من تنشيط العضوية عبر الايميل الخاص بالعضو الذي قام بالاشتراك به في المنتدي وذلك لكي يتمكن من المشاركه معنا في المنتدي واضافه الردود والمواضيع كأي عضو بالمنتدي مع تحيات احمد محمد عبد الله المحامي
مصر فوق الجميع .... وبعون الله يدنا واحدة
مؤسسة A M A احمد محمد عبدالله للمحاماة والاستشارات القانونية ، 01061118582محامى بالاستئناف العالي ومجلس الدولة ، محكم عرفي وتجاري معتمد .
مؤسسة A M A احمد محمد عبدالله للمحاماة والاستشارات القانونية،محامى بالاستئناف العالي ومجلس الدولة ، محكم عرفي وتجاري معتمد ، المكتب يقدم خدمات قانونية شاملة في كافة أفرع القانون وكذلك في إنشاء الشخصيات والقانونية الاعتبارية من مؤسسات وشركات وجمعيات
وكذلك توثيق كافة العقود والأوراق القانونية ، تعتبر المؤسسة أحد المؤسسات القانونية المتخصصة فى مصر والوطن العربي 01061118582 .
وتؤمن المؤسسة بضرورة امتلاك المحامى لأدوات النجاح فى ظل عصر التكنولوجيا والكمبيوتر والانترنت 01061118582 .
كما تؤمن بضرورة معرفة كل فرد لحقوقه وواجباته وتدار المؤسسة بواسطة نخبة من رجال القانون المحامون 01061118582 .
وتسعى المؤسسة إلى تقديم خدمة متميزة فى المجالات العديدة التى تعمل بها والتى تقوم أساسا على التكنولوجيا الحديثة 01061118582 .
وتسعى المؤسسة إلى تقديم خدمة متميزة فى المجالات العديدة التى تعمل بها وجودتها01061118582
على التكنولوجيا الحديثة لضمان سرعة وسهولة ودقة الخدمة وجودتها. 01061118582 .

المواضيع الأخيرة

» دورة تدريبية ومؤتمر عن "الأصول الفنية لإعداد وصياغة اللوائح التنفيذية" 19-23 نوفمبر 2017، القاهرة
أمس في 16:04 من طرف صبرة جروب

» البرنامج التدريبي نوفمبر – ديسمبر 2017
الأربعاء 18 أكتوبر 2017 - 15:17 من طرف صبرة جروب

» الأحداث المؤكدة الإنعقاد حتى نهاية عام 2017
الإثنين 18 سبتمبر 2017 - 15:38 من طرف صبرة جروب

» دورة تدريبية عن الأصول الفنية لصياغة مشروعات القوانين/الأنظمة واللوائح 8-12 اكتوبر 2017، القاهرة
الأحد 17 سبتمبر 2017 - 15:44 من طرف صبرة جروب

» برنامج الترجمة 2016/2017
الإثنين 28 أغسطس 2017 - 15:51 من طرف صبرة جروب

» المؤتمر العربي السادس عن "عولمة التشريعات وأثرها على التشريعات الوطنية"11-12 اكتوبر 2017، القاهرة
الأحد 27 أغسطس 2017 - 15:35 من طرف صبرة جروب

» موسوعة فتاوى الجمعية العمومية لقسمى الفتوى والتشريع بمجلس الدولة .. الجزء الاول
الخميس 25 مايو 2017 - 21:00 من طرف elsheikh

» تحميل ابحاث قانونية متنوعة
الخميس 25 مايو 2017 - 20:57 من طرف elsheikh

» البرنامج التدريبي القانوني ( مايو- ديسمبر) 2017
السبت 13 مايو 2017 - 22:01 من طرف صبرة جروب


    أمريكا يمّ العراق زاحفة بلا قوانين

    شاطر
    avatar
    Admin
    Admin

    عدد المساهمات : 1135
    تاريخ التسجيل : 06/03/2010
    الموقع : المؤسسة المصرية للمحاماة ama

    لا أمريكا يمّ العراق زاحفة بلا قوانين

    مُساهمة من طرف Admin في الثلاثاء 9 مارس 2010 - 20:19

    الأبنودي والعراق


    أمريكا يمّ العراق زاحفة بلا قوانين

    زي إسرائيل اللي قاتلة ولادنا في فلسطين


    مهما أقول أو تقول.. إيه راح يفيد الكلام؟..

    حكامنا صاحبوا العدو.. وإحنا رحنا ننام

    قالو لنا: »حنحلها إحنا في خمس تيام

    آدي بداية انهيار الأمة قدامنا

    بعنا حقيقتنا وسكنّا في أوهامنا

    عشنا وزادنا الخطب.. كرهتنا أحلامنا

    أنا ما بنيت الدار إلاَّ لاحارب

    ودار بلا حربٍ... عليا حرام!!..

    ......

    مهما أقول أو تقول.. إيه راح يفيد الكلام؟

    مش قالوا حنحلها إحنا في خمس تيام؟..



    آدي العراق منطرح ع المقصلة.. بناسُه..

    مستني حكم الغريب الجاي... بمداسه

    يدوس علي الأمة.. وتسممنا أنفاسه

    واحنا بنسأل: »صحيح فيه حرب يا اخواننا«؟...

    وقال صحيح.. طامعة أمريكا في بترولنا؟؟..

    مش هيه كانت صديقتنا.. كما فهمنا؟..

    يا أمة.. جزم العدو.. دايسة علي رقابنا

    وازاي بنسعد قوي.. في كل ما داسوا؟..

    ......

    وآدي العراق منطرح ع المقصلة بناسُه

    وكأننا إحنا.. ولا أهله..... ولا ناسه!!..



    بيننَّا ما بين الدمار.. الدُّوس علي الأزرار

    وتبتدي الكاِرثَة وتصعْد جبال النار

    أمريكا.. في كل ساعة.. تبدّل الأعذار

    والأمة قاعدة بتتفرج وتتشكك...

    تشوف صورها علي الشاشات تقوم تضحك

    وتسألك.. تفقعك.. وتقول: »صحيح فيه ضرب«؟..

    من كتر ما نعسنا في الضلة.. نسينا الحرب

    نقفلها م الشرق يفتحها علينا الغرب

    عدو.. ما بينامش لا في الليل.. ولا في

    نهار!!..

    ......

    بينّا ما بينه.. يا دوب دوسه علي الأزرار

    وتبتدي الكارثة وتشعلل جبال النار!!..



    أمريكا يمّ العراق زاحفة بلا قوانين

    زي إسرائيل اللي قاتلة ولادنا في فلسطين

    لاتنين علي نية.. ريحة الدم.. هيه الدين

    جايين.. معاهم سلاح يقتل بلا تنشين

    واحنا اللي إيدنا بلا حِتة عصايةْ توت

    واللي أخدنا خلاص علي ابتسامة الموت

    متلطشين م اللي مش فايت وم اللي يفوت

    وسلاحنا طوب.. إنما.. إحنا اللي متَّهمين!!

    ......

    وامريكا يم العراق زاحفة بلا قوانين

    زي إسرائيل اللي قاتلة الشعب في فلسطين!!



    قال إحنا لؤما قوي وقال ايه نتحايل

    وقال بنخفي السلاح.. في الضل لو مايل

    في لقمة الطفل أو في مشية الحامل

    سلاح رهيب.. مستخبي فيه دمار شامل

    يا ريت يا سيدي ما كانش الحال بقي مايل

    ولا كنا نتسول التأييد من الغربا

    والجرح يوسع يوماتي لاطب ولا طببا

    وأقلها كلب.. يشتمنا.. ويتطاول!!

    ......

    قال إحنا لؤما قوي ع الحيلة نتحايل

    وقال بنخفي السلاح في الضل لو مايل



    وإحنا ضعفا... بنصرخ.. زي طفل غريق

    قوِّتنا ضاعت ما بين الكرْه والتفريق

    وكل دولة تلاتة متر.. عاملة فريق

    قال ده أخويا اللي لعدوي.. أعز صديق

    يحب وش العدو.. وش العرب لأه

    ياكل طعام العدو.. لقمة اخوه.. لأه

    يلبس قماش العدو.. وقطن أخوه لأه

    تقوله: »أهلاً«.. يروح يشكيك لأعداءك

    قول رأيك ايه لما تصبح أمتك.. داءك؟

    تفطر بكاس العداوة كل يوم ع الريق!؟

    ......

    وإحنا ضعنا.. بنصرخ زي طفل غريق

    وكل دولة تلاتة متر.. عاملة فريق!!



    السَّكرة راحت أهه.. وطلّت الفكرة

    وكنا خايفين مجيئ بكرة.. وجه بكرة..

    بدأوا بأرض الديانة: »القدس« و»الناصرة«

    »بيت لحم« و»جنين« و»نابلس«. واسألوا »غزة«

    أعز أولاد.. لأمة متاجرة في العزة

    الركلة آخر مزاج.. والصفع له لذة

    كل العذاب ده ولا عرفناش يا ناس نكره؟..

    ......

    وكنا خايفين مجيئ بكرة وجه بكره

    والسكرة راحت أهه وفضلت الفكرة



    إشمعني يعني العراق ولافيش غير هوه

    علشان تغير نظامه إنت بالقوة..؟

    الأنظمة كلها.. ما بتختلفش يا أخ

    مَد المواطن قفاه ومنعتوا آه أو أخْ

    مش أنظمة.. في الحقيقة دي مجرد فخ

    لو المواطن جمل بحملكم كان نخ

    وكل حاكم لئيم.. براه.. غير جوه

    ......

    واشمعني يعني العراق؟.. ولافيش غير هوه

    علشان تغير نظامه إنت بالقوة؟..



    قلنا زمان.. اعتدَي علي الكويت ظلماً

    وكنا ضده... وقررنا يعود حتماً..

    دلوقت لا راح علي أيسر ولا أيمن

    حكايتكو يا الأمريكان ألغز من الألغاز

    وف تبريراتكو المريبة باشم ريحة الجاز

    الكدب علي وشكم.. ما ينقصوش برواز

    شعب العراق لن يموت.. الموت لكم إنتم

    إنتو اللي جرتوا عليه.. وانتو اللي أجرمتم

    ولا راح نفوت تارنا مهما رجعتوا وبعدتم

    يا دي الرئيس اللي علي قول الضلال.. أدمن



    مطلوق علينا.. كأنك ديب جعان شارد

    وجاي علينا.. بتتمطع قوي... وفارد

    في »كوريا« نعجة وعلينا جاي عامل مارد

    لا إنت عمي.. ولا أمي.. ولا الوالد

    علشان تيجي لبلادي بكل أسلحتك

    تنقذني م اللي حاكمني... كنت عينتك؟..

    عارفك ما تعرف يا قاتل.. إلا مصلحتك؟

    مش أنظمة!!. إنما.. قابلينها يا بارد!!

    ......

    مطلوق علينا كأنك ديب رهيب شارد

    في »كوريا« نعجة.. وعلينا.. جاي عامل مارد!!



    أطفالنا ماتوا.. ولا سائلش عنهم حد

    تحت البيوت قبل حتي ما البيوت تنهد

    ونسألك إنت.. وكإنك نسيت الرد

    الدنيا تطلع مظاهرات والهتاف بيقول

    واللي في مخك في مخك.. لا يهمك قول

    قلبك علي إسرائيل وعينيك علي البترول

    واخدينها إحنا هزار.. وانت واخدها جد!!

    ......

    أطفالنا ماتوا ولا سائلش عنهم حد

    والدنيا تسأل.. وكأنك نسيت الرد



    آدي العراق القريب م القلب راح منا

    بعيد بعيد.. ابتعاد النار عن الجنة

    واحنا زي النُّظُم.. خطبة.. وقفِّلنا

    ونرجعوا للبيوت تاني بنتمنظر....

    الطيارات بالدانات والشاشة بالمنظر..

    وإحنا لا حوله ولا يعذرنا من أنذر

    ولا في عرق اتنفض فينا ولا أَنَّه

    ......

    آدي العراق القريب م القلب راح منا

    بعيد بعيد.. ابتعاد النار عن الجنة



    خلاص نسينا النضال.. اليوم نقول بغداد

    وبكره حنقول كذا.. وبعده ياما بلاد

    واحنا كما المربوطين.. في أوتد الأوتاد

    الشهدا بيموتوا يومياً قصاد العين...

    من تحت عينيك عيون شايفانا يا فلسطين

    أميرة إنتي ما بتلوميناش.. تلومي مين؟

    ما ظنش اللي شبهنا تجوز لهم رحمة

    إذا بدم البلاد... بيلونوا الأعياد!!

    ......

    خلاص نسينا النضال.. اليوم نقول بغداد

    وبكره حنقول كذا.. وبعده ياما بلاد!!



    يا أمة قومي بقي.. ده انتي فضحتينا...

    الأمريكان سكنوا مش وسطينا.. لأفينا

    والاّ اليهود اللي سرقوا حتي أغانينا

    حرتوا الأراضي وقتلوا هناك أعز الولد

    الشهدا أكوام علي الأكتاف.. إوعي تعد

    أبدان جميلة.. بتاكلها النسور والحِدّ

    إحنا انتهينا... تعالوا ياللي بعدينا!!

    ......

    يا أمة قومي بقي لأحسن فضحتينا....

    الأمريكان سكنوا مش وسطينا.. لأفينا!!



    ياللي في عُسري وضيق اليد نسيتونا

    أهي الفلوس نفسها.. حاتروح لأعادينا

    بترول أراضي العدو ده اللي في أراضينا.!!

    شفتوش كده؟ والبلاد ممنوع نحميها

    نحميها من مين؟ دي مش أراضينا.. أراضيها

    هوه بسلاحه المميت.. جاي ينزرع فيها

    وانتو.. بدخان صمتكم يا أهلي عميتونا

    ......

    ياللي في عسري وضيق اليد نسيتونا

    أهو جه ياكلكوا اللي علي حربه انتو لُمْتونا!!



    يا أمة ترمي ضميرها للكلاب.. ببلاش

    يا أمة قبلت مصيرها (خدمة الأوباش)

    كله كلام.. لا انتماء.. ولا وطن.. ولا دين

    قاعدين سنين تحلموا بظهور (صلاح الدين)

    ماكان ما بينكم قتلتوه انتو يا فالحين

    كل اللي صدوا العدو.. راحوا ومش راجعين

    ولا »صلاح دين« يا ناس ولا حتي زفت الطين

    الحي ميت يا ناس أما اللي ميت عاش

    ......

    يا أمة ترمي ضميرها للكلاب ببلاش

    يا أمة قبلت بفرحة.. خدمة الأوباش



    ما اعادش إلا انتظار الموت.. يا إما نقوم

    نسجد في ساحة النضال وعن البلاهة نصوم

    لو الدما تبقي بحر.. في دمنا.. حنعوم

    إزاي يعيش الوطن.. من غير رجال تحميه؟

    تموت وتحيا معاه.. تموت وتحيا ليه..

    كإن ابن العرب مولود يا ناس.. مهزوم

    ......

    ماعادش إلا انتظار الموت يا إما نقوم

    نحمي الوطن بالصدور.. ونفجر المكتوم



    كل الشوارع بتصرخ في المدن بجنون

    توقّف الحرب.. تفضح فكرة المجنون

    في أوروبا حتي ف أميركا.. لأ في كل الكون..

    إلا احنا إرتحنا قدام أي تليفزيون

    آدي العراق في طريقها للغرق يابا

    واحنا حواليه خُطبنا فجة... كدابة

    نتخانقوا من غير سبب.. لأ فيه سبب طبعاً

    وحنغرقوا في الزمن.. يا أمتي.... جمعاً

    متملعنين... إنما... عدونا..... ألعن

    قدَّامُه حملان.. لكين.. علي بعضنا ديابة!!



    الكل عايز ساعات المؤتمر تمضي..

    علشان ما يجري علي دار العدو.. يمضي

    كإن بعضي ينازعني.. علي بعضي..

    معظمنا هوه العدو.. يعني العراق يا هوه

    مش أمريكان وانجليز.. إحنا اللي حنهدوه

    واحنا اللي بتروله رايحين للعدو نِهْدوه

    وبعده بترول جديد.. وبعده بترول جديد

    وأنا منتظر مقتلي وإيدي علي خدي!!

    ......

    الكل عاوز ساعات المؤتمر تمضي..

    علشان ما يجري علي دار العد (يمضي)!!



    أنا باهيب بالشباب.. إنسوا اللي قضُّوا العمر

    يتكلموا ويخطبوا وسابوا سنينكو... تمُر...

    ده انتو القلوب الفتية والوجوه السمر

    ترضوا تبيعوا الوطن بتفاهة الغايات؟

    وتبقوا إنتو وأعداء الوطن إخوات؟

    متربصة بيكو أم العولمة والجات

    تتمِسْحوا م الكون كما مسحوا الهنود الحمر

    ......

    أنا باهيب بالشباب انسوا اللي قضّوا العمر

    يتكلموا ويخطبوا وسابوا سنينكو تمر



    يا أمة قومي.. وانتي يا مصر.. ماتونِّيش

    وإلا عشرين سنة.. حاتمر زي مافيش

    تعلا اليفط أعلا ميادين أمة الإسلام

    شركة إسرائيلية اهه لصناعة الأقلام

    واستديو صهيون هنا لصناعة الأفلام

    والمصنع الإسرائيلي لعلبة الورنيش

    ......

    يا أمة قومي وإنتي يا مصر ماتونيش



    بغداد.. يا أم التاريخ والحكمة والأشعار

    بغداد يا أم القصور والنخل والأنهار

    ماعادش إلا الصمود الليل في آخره نهار

    دافعي بشرف واتركي للأمة طعم العار

    ملو التاريخ.. الفصول صادقة وكدابة

    سنتين تقدَّم.. وألف.. نعودوا للغابة

    الأمة فيها فرح لأزمله ندابه

    الدنيا كلتها تهتف باسمِك المظلوم

    بكره الجراح تندمل.. عُمر الظلام مايدوم

    أطفالك اللي التاريخ حيحكي قصتهم

    ونساكي في صبرهم. الدنيا نسيتهم

    يا دي العراق العريق صحّي العرب م النوم

    يا طاعم المحرومين.. إزاي تبات محروم.؟

    ومهما كانوا الطغاة.. الدار لأهل الدار

    الدار لأهل الدار

    الدار لأهل الدار




    الشاعر عبد الرحمن الابنودي

      الوقت/التاريخ الآن هو الجمعة 20 أكتوبر 2017 - 2:12