الى اين الاسر مع محاكم الاسرة

الى اين الاسر مع محاكم الاسرة
لفت نظرى فى الفترة الاخيرة ان نسبة الطلاق ارتعت بمعدل غير طبيعى وبخاصة مع حديثى العهد بالزواج من الجيل الجديد
دفعنى ذلك الى ان انظر نظرة ببصيرة متعمقة فى اسباب انهيار بيوت شبابنا فوجدت الاتى
1-المؤتمر الدولى الذى عقد فى مصر ولم يلقى قبولا لدى الشعب المصرى تم تقنينة واتعمل منة محكمة اسمها محكمة هدم الاسر
اسف محكمة شئون الاسرة وكل واحدة عاوزة تطلق لاتفه الاسباب تجرى على المحكمة وللاسف القانون فى صفها كلى وجزئى حتفرض ليها نفقة وتحبس ابن (.......)جوزها لانة بدد منقولاتها الزوجية وتطلق لما هية تحب ومش مشكلة يطلع جيل مشرد او يتحرق بجاز
والداهية الكبيرة اللى اسمها الخلع الغير شرعى لانة مبيتوافرش فية الشروط
والشرع فى اتجاة القانون فى اتجاة تانى ولم يتبقى الى الرجل اسف للذكر الا الانذار بالخول فى الطاعة وللاسف بتعترض علية ويقبل الاعتراض ولا يجوز اجبارها للدخول فى طاعة الذكر
المهم دايما الست تعمل زى الفيلم اللى اتسمى محامى خلع وتقول اخشى الا اقيم حدود الله
والسؤال لية ؟؟؟ تقول مبيعرفش
والمصيبة الاكبر انها بتجيب شهود على ان جوزها مبيعرفش والمحاكم بتاخد بشهادتهم ومن اسباب الضرر انة بدد منقولاتها
يا ناس والله لو حكمتم عقلكم شوية متلاقوش مشاكل ولا بيت ينهدم ولا اطفال تتشرد
الطرفين فى خسارة تامة والمستفيد محامى الطرفين
لكن الضحية هيا الاولاد
حنرجع تانى ونقول الطلاق اللى بيبنى على غش او كذب ليس فى الشرع من شىء لان ما بنى على باطل فهو باطل
والزواج التانى باطل لانها لا تزال على عصمة زوجها الاول وما تاتية فهو زنا
المهم ربنا يعفو عن الجميع ولا يسعنا الا ان نقول حسبنا الله ونعم الوكيل فى كل من يتلاعب بالدين كستار لشىء فى انفسهم
اما انتم يا من قمتم بالموافقة على ذلك القانون ارجع ثانية الى الحادثة الوحيدة وهى زوجة حسان بن ثابت وشوف الشروط كانت اية وهل يتوافق مع الشرع ذلك القانون ام لا ؟
اتقوا الله فى نسائكم وفى بناتكم
فانتم ستعرضون على محكمة كبرى قاضيها هو الله يفصل بين العباد بالقسطاس المستقيم
ولنا حوار اخر قريبا عن نوادر محاكم الاسرة
عبدالجليل الحسينى المحامى
فاقوس شرقية
0147888486
0172957555
0194535311